په كندهار ولايت كې د خصوصي امنيتي كمپنيو د منحل كېدو په په لړ كې دريو نورو كمپنيو ۷٢ ميله بېلابېلې وسلې د ډاياګ يا بې وسلې كولو پروګرام ته وسپارلې.
په كندهار ولايت كې د خصوصي امنيتي كمپنيو د منحل كېدو په په لړ كې دريو نورو كمپنيو ۷٢ ميله بېلابېلې وسلې د ډاياګ يا بې وسلې كولو پروګرام ته وسپارلې.
د كندهار امنيه قوماندان لوى پاسوال خان محمد مجاهد رسنيو ته وويل، چې دغه درې كمپنۍ د عبدالحبيب شېرزي، ګلالي او ارغستان په نومونو وې او له يادو كمپنيو څخه يې ۷٢ ميله درنې اوسپكې وسلې ترلاسه كړي.
د مجاهد په وينا: دا مهال يې ګڼ شمېر خصوصي امنيتي کمپنۍ بې وسلې کړي او ځينو ته يې وخت ورکړى، ترڅو په خپله خوښه دوى ته وسلې وسپاري.
په کندهار کې د ډاياګ مسؤلين وايي، چې د هېواد په کچه کندهار دويم ولايت دى، چې په کې زيات شمېر خصوصي امنيتي کمپنيو خپلې وسلې ډاياګ ته سپارلي دي.
د يادونې وړ ده، چې څو مياشتې وړاندې هم د لسو امنيتي کمپينو څخه ٢٠٤ ميله بېلابېلي درنې او سپکې وسلې د ډاياګ يا بې وسلو کولو پروګرام ته سپارلې وې.
کلید ګروپ په ټویټر او فیسبوک کې وګورئ
