ځايي چارواكي وايي، چې تېر مازيګر د هرات ولايت د شينډنډ ولسوال پر موټر د سړك د غاړې ماين چاودنه شوې، خو هغه ترې روغ وتى. د شينډنډ ولسوال لعل محمد عمرزى وايي: پېښه هغه مهال رامنځته شوه،
ځايي چارواكي وايي، چې تېر مازيګر د هرات ولايت د شينډنډ ولسوال پر موټر د سړك د غاړې ماين چاودنه شوې، خو هغه ترې روغ وتى.
د شينډنډ ولسوال لعل محمد عمرزى وايي: پېښه هغه مهال رامنځته شوه، چې دى له هرات ښاره دې ولسوالۍ ته پر لاره و او د همدې ولسوالۍ په بالاشهر سيمه كې پرې د ريموټ كنټرول په واسطه بمي چاودنه وشوه.
عمرزي زياته كړه، چې ده او ساتونكو ته يې كوم زيان نه دى اوښتى، خو موټر يې يو څه زيانمن شوى دى.
د عمرزي په وينا، طالبانو د ده د وژلو قصد درلود، خو په دې هڅې كې پاتې راغلل.
په همدې حال كې د طالبانو يوه وياند قاري يوسف احمدي رسنيو ته ويلي، چې په دې بريد كې يې د ملي پوليسو څو تنه سرتيري وژلي، خو د ده دغه ادعا د ځايي چارواكو لخوا په كلكه رد شوې ده.
دا په داسې حال كې ده، چې تر دې وړاندې په روان لمريز كال كې د هرات ولايت د چشت ولسوالۍ امنيه قومندان او د اوبه ولسوالۍ ولسوال د سړك د غاړې ماين چاودنو كې وژل شوي وو.
کلید ګروپ په ټویټر او فیسبوک کې وګورئ
