ځايي چارواكي وايي، چې د شنبې په سهار ۳ بجې د فراه ولايت په بلابلوك ولسوالۍ كې ۳ وسله وال طالبان پر خپل ماين چاودنې كې ووژل شول. د فراه ولايت د والي مرستيال محمد يونس كليد ته وويل:
ځايي چارواكي وايي، چې د شنبې په سهار ۳ بجې د فراه ولايت په بلابلوك ولسوالۍ كې ۳ وسله وال طالبان پر خپل ماين چاودنې كې ووژل شول.
د فراه ولايت د والي مرستيال محمد يونس كليد ته وويل: دغو طالبانو پلان درلود، چې د بلابلوك ولسوال موټر پرې والوزوي، خو خپله د همدې چاودنې خوراك شول.
نوموړي زياته كړه، چې دغو طالبانو د فراه ولايت په ډېرى ناامنيو كې لاس لاره، چې په وژلو سره يې ښايي د سيمې امنيت كې ښه والى راشي.
تر دې دمه وسله والو طالبانو په دې اړه څه نه دي ويلي.
د يادونې وړ ده، چې د روان لمريز كال په اوږدو كې د ملي پوليس نږدې ۲۰ سرتېرو ته په بلابلوك ولسوالۍ كې د سړك د غاړې ماين چاودنو له كبله مرګ ژوبله اوښتې.
کلید ګروپ په ټویټر او فیسبوک کې وګورئ
