ځايي چارواكو په بادغيس ولايت كې د ايتلافي ځواكونو د هوايي بريد په ترڅ كې د يوه طالب قومندان د وژل كېدو خبر وركړ. چارواكي وايي، چې دغه پېښه تېره ورځ وروسته ترهغې رامنځته شوه،
ځايي چارواكو په بادغيس ولايت كې د ايتلافي ځواكونو د هوايي بريد په ترڅ كې د يوه طالب قومندان د وژل كېدو خبر وركړ.
چارواكي وايي، چې دغه پېښه تېره ورځ وروسته ترهغې رامنځته شوه، چې د ايتلافي ځواكونو الوتكې په بالامرغاب ولسوالۍ كې د ځايي طالبانو يو مشهور قومندان ملا تورجان، چې پر موټر سايكل سپور و په نښه كړ.
د بادغيس ولايت امنيه قومندان سمونوال عبدالجبار وايي: ملا تورجان په بالامرغاب ولسوالۍ كې د طالبانو له مشهورو قومندانانو څخه و، چې ډېرى بريدونه د همده لخوا رهبري كېدل.
وسله والو طالبانو لا په دې اړه څه نه دي ويلي.
د يادونې وړ ده، چې درې ورځې وړاندې هم ناټو ځواكونو په بالامرغاب ولسوالۍ كې د وسله والو طالبانو يو شمېر مركزونه بمبارد كړي وو، چې له كبله يې ۷ تنو ته مرګ ژوبله اوښتې وه.
کلید ګروپ په ټویټر او فیسبوک کې وګورئ
