د کونړ په ناړۍ ولسوالۍ کې بهرنيو ځواکونو تېرمازېګر پر هغو و سله والو طالبانو چې ځايي چارواکي يې پاکستانيان ګڼي، هوايي بمبار کړى چې پکې د تلفاتو بېلا،بېلې دعوې کېږي.
د کونړ په ناړۍ ولسوالۍ کې بهرنيو ځواکونو تېرمازېګر پر هغو و سله والو طالبانو چې ځايي چارواکي يې پاکستانيان ګڼي،هوايي بمبار کړى چې پکې د تلفاتو بېلا،بېلې دعوې کېږي.
د کونړ امنيې قومندان مل پاسوال خليل الله ضيايي وايي چې د لومړنيو رپوټونو له مخې يې شاوخوا نهه وسله وال طالبان په دې بمبار کې وژل شوي او ديارلس نور ټپيان دي.
هغه د تلفاتو د زياتيدو د اټکل ترڅنګ وايي چې ګومان کوي وژل شوي او ټپيان پاکستاني وسله وال وي.
د ناړۍ يوه ځايي چارواکي د نوم او غږ نه خپرولو په شرط بياکليد ته وويل چې بمبار په کهي او ديسکور سيمو کې شوى او د دولسو طالبانو د وژل کېدو ترڅنګ پکې اتلس نورټپيان دي.
نوم نه خپرونکې سرچينې دا هم وويل چې وژل شوي او ټپي شوي وسله وال پاکستانيان دي او وروسته ترهغې د کونړ د ناړۍ دې غره ييزو سيمو ته راغلي چې پاکستاني پوځ يې پرضد خپله خاوره کې پوځي عمليات چټک کړل.
د ناړۍ دغه چارواکي وويل چې د معلوماتو له مخې يې اوس هم يوشمېر پاکستاني طالبان تربمبار لاندې راغلو سيمو کې شته او د مړو په خښولو او ټپيانو په درملنې يې اخته دي.
چارواکي سيمې ته د افغان ځايي ځواکونو د نه ورتګ خبره په دې وکړه چې په وينايې سيمه خورا خطرناکه ده.
په افغانستان کې مېشتو بهرنيو ځواکونو سره مو پردې بمبار د خبرو هڅې بريالۍ نه شوې خو د وسله والو طالبانو وياند ذبيح الله مجاهد راته وويل چې پرون مازېګر يې ناړۍ کې بهرنيو ځواکونو سره سيمې ته د هغوى د پوځي کتار تر ورتلو وروسته مخامخه جګړه شوې او بهرنيو ځواکونو ته يې درانه تلفات وراړولي.
طالب وياند د خپلو څلورو وسله والو ملګرو وژل کېدل او درېيو ټپي کېدل هم ومنل خو په لويه کچه د زيان وراوښتو دعوه يې رد کړه.
کونړ چې د ختيز افغانستان ترټولو نارامه ولايت ګڼل کېږي،ډېرکله پکې ددولت د وسله والو مخالفينو ترمنځ تاوتريخوالى پېښيږي چې دواړه غاړې پکې د ډېرې ګټې دعوې کوي.
کلید ګروپ په ټویټر او فیسبوک کې وګورئ
