ځايي امنيتي چارواكي وايي، چې په هلمند ولايت كې يې له وسله والو طالبانو څخه يو شمېر وسلې، موټرسايكلونه او موټرې نيولي دي. د دغه ولايت د امنيې قومندانۍ مسؤلينو ويلي دي، چې پوليسو يې دوه ماشومان هم د انسان تښتوونكو له منګولو راخلاص كړي دي.
ځايي امنيتي چارواكي وايي، چې په هلمند ولايت كې يې له وسله والو طالبانو څخه يو شمېر وسلې، موټرسايكلونه او موټرې نيولي دي.
د دغه ولايت د امنيې قومندانۍ مسؤلينو ويلي دي، چې پوليسو يې دوه ماشومان هم د انسان تښتوونكو له منګولو راخلاص كړي دي.
د هلمند ولايت امنيه قومندان مل پاسوال محمد حكيم انګار رسنيو ته وويل، چې د تېرو دوو ورځو په لړ كې يې له وسله والو طالبانو سره په مخامخ جګړه او د عملياتو پرمهال د هغوى يو كرولا او يو ډاټسون موټر، شپږ موټر سايكلې، دوه ميله كلاشينكوفونه، پنځه حلقې ماينونه او بېلا بېلې مرمۍ نيولي دي.
انګار وويل، پوليسو دغه لاسته راوړنې د هغې جګړې پرمهال تر لاسه كړي، چې د وسله والو مخاليفينو سره يې د كندهار – هلمند په لويه لاره كړې وه.
كه څه هم امنيه قومندان د وژل شويو طالبانو كره شمېره په ګوته نه كړه، خو واېي، چې هغوى ته درنه مرګ ژبله اوښتې ده، خو د همدې لارې يو تن ساتونكى پوليس د نوم د نه ښوولو په شرط كليد ته وويل، چې په دې جګړه كې دوه تنه پوليس ټپيان او څلور وسله وال طالبان وژل شوي دي.
هغه زياته كړه، چې پولس د درملنې په موخه د بهرنيو ځواكونو له لوري وړل شوي او وسله والو طالبانو هم خپل مړي له سيمې وړي دي.
دغه راز امنيه قوماندان وايي، چې په مارجه ولسوالۍ كې يې تېره شپه د پوليسو لخوا يو طالب په ټپي حالات كې له يوه ميل كلاشنكوف او يو عراده موټرسايكل سره نيولى دى.
وسله والو طالبانو په دي اړه څه نه دي ويلي، خو د دوى د ډولې وياند قاري يو سف احمدي وايي، چې په ګرېشك، سنګين، مارجې او خانشين ولسواليو كې يې په مخامخ بريدونو او د ماين په چاودنو كې بهرنيو او كورنيو سرتېرو ته درنه مرګ ژوبله اړولې ده، خو دولتې چارواكې يې نه مني.
د يو بل خبر له مخې ځايي پوليسو په ګرمسېر ولسوالۍ كې يو انسان تښتونكى، چې دوې ماشومې تجونې يې له كندهاره تښتولې وې ونيولو او هغه ماشومانې يې د هغه له منګولو راخلاصې او خپلو كورنيو ته و سپارلې.
کلید ګروپ په ټویټر او فیسبوک کې وګورئ
