افغان سرحدي چارواکي ګومان کوي، چې له ننګرهاره د ماين پاکۍ موسسې تښتول شوي اته افغان کارکوونکي له کرښې ها خوا پاکستان ته تښتول شوي وي.
افغان سرحدي چارواکي ګومان کوي، چې له ننګرهاره د ماين پاکۍ موسسې تښتول شوي اته افغان کارکوونکي له کرښې ها خوا پاکستان ته تښتول شوي وي.
د اومر په نامه د دې موسسې کارکوونکي پرون د پاکستان پولې ته نېږدې د ننګرهار له مومند درې ولسوالۍ څخه ناڅرګندو وسله والو تښتولي.
په ختيز کې د سرحدي پوليسو د لومړۍ لېوا قومندان مل پاسوال امين الله امرخېل وايي، په مومنددرې ولسوالۍ کې د تښتول شويو ماين پاکانو خلاصونې پسې تر اوږدو ناکامو هڅو دې پايلې ته رسېدلي، چې تښتول شوي دا اته ماين پاکوونکي له کرښې هاخوا پاکستان ته وړل شوي.
امرخېل د دې پوښتنې په ځواب کې، چې د ماين پاکانو تښتونکي به پاکستانيان وي؟ وويل، په دې اړه څه نه شي ويلاى.
ياد شوي ماين پاکونکي د ننګرهار له مومند درې ولسوالۍ څخه پرون سهار ناڅرګندو وسله والو وتښتول.
د تښتول شويو شمېرلومړى شپاړس تنه وو، خو د سرحدي پوليسو قومندان وايي، چې اته تښتول شوي يې پوليسو هماغه پرون بيرته خوشې کړي.
دا تښتول شوي ماين پاکوونکي، چې د تښتونې مسؤليت يې چا پر غاړه نه دى اخېستى، پرون يې خوشې شويو ملګرو ويلي وو، چې تښتونکو د پاکستان يوې سرحدي پوستې ته نېږدې بيولي وو.
څو ورځې وړاندې د بل ختيځ ولايت کونړ له خاص کونړ ولسوالۍ څخه د يوې رغونکې کمپنۍ درې افغان انجينران هم ناڅرګندو وسله والو وتښتول، چې چارواکي وايي لا خوشې شوي نه دي.
کلید ګروپ په ټویټر او فیسبوک کې وګورئ
