د وزيرانو شورا پړېکړه وکړه، چې د روان لمريز کال تر پايه پورې به په کابل ښار کې د چاپېريال د ککړتيا د کموالي په موخه، د پنجشنبې ورځ عمومي رخصتي وي.
د وزيرانو شورا پړېکړه وکړه، چې د روان لمريز کال تر پايه پورې به په کابل ښار کې د چاپېريال د ککړتيا د کموالي په موخه، د پنجشنبې ورځ عمومي رخصتي وي.
د جمهوري رياست له مطبوعاتي دفتره خبري رسنیو ته په ور رسېدلې خبرپاڼه کې ليکل شوي، چې تېره ورځ د وزيرانو شورا د د جمهور رئيس حامد کرزي په مشرۍ پرېکړه وکړه، چې د پنجشنبې ورځ به عمومي رخصت وي.
په خبرپاڼه کې راغلي، چې دغه پرېکړه د کابل ښاريانو د ښې روغتيا په موخه شوې او هم له ټولو موټر لرونکيو څخه غوښتنه شوې، چې د دوشنبې او پنجشنبې په ورځو کې د موټرو له تګ راتګ څخه په ډېره کمه اندازه استفاده وکړي.
خبرپاڼه کاږي، چې د کورنيو چارو وزارت ته دنده سپارل شوې، چې د وزيرانو شورا له پخوانۍ پرېکړې سره سم په چټکۍ سره، له لارو موانع لرې کړي او هم ډيزلي جنراتورونه راټول کړي.
خبرپاڼه زياتوي، چې ملي دفاع ، کورنيو چارو او فوايد عامې وزارتونو ته دندې وسپارل شوې، چې د کثافاتو د ټولولو په موخه دې، له کابل ښاروالۍ سره د وسايطو په برخه کې همکاري وکړي.
کلید ګروپ په ټویټر او فیسبوک کې وګورئ
