د هرات ولايت د ملي امنيت رياست په يوې خپرې شوې خبرپاڼې كې خبر وركړى، چې د روانې اونۍ په ترڅ كې يې د بېلابېلو عملياتو په لړ كې ۱۰ ټنه چاودېدونكي توكي كشف او نيولي دي.
د هرات ولايت د ملي امنيت رياست په يوې خپرې شوې خبرپاڼې كې خبر وركړى، چې د روانې اونۍ په ترڅ كې يې د بېلابېلو عملياتو په لړ كې ۱۰ ټنه چاودېدونكي توكي كشف او نيولي دي.
د سرچينې د معلوماتو له مخې، په دغو كشف شويو توكو كې د راكټ ۱۰۰ مرمۍ، د ميزائل ۱۰۰مرمۍ، د ټانګ د مرميو ۱۲۷ سرګلولې، ۵۰ ميله هاوان، د توپ د مرميو ۵۰۰ سرګلولې، د وسايطو او پرسونل ضد ۱۰۰ حلقې ماينونه، ۲۵ كيلو ګرامه چاودېدونكي توكي، د اګائيس ۱۰۰ مرمۍ او د هاوان ۵۰ مرمۍ شاملې دي.
خبر پاڼه زياتوي، چې دغه مهمات او مرمۍ د ملي امنيت د سرتېرو لخوا د يو لړ عملياتو په ترڅ كې په ګذره، انجيل، ادرسكن، شنډنډ، كشك رباط سنګي او پښتون زرغون ولسواليو كې نيول شوي دي.
په خپرې شوې خبرپاڼې كې راغلي، چې د دولت ضد وسله والو غوښتل د دغو چاودېدونكو توكو او مرميو پر مټ د هرات ولايت په مركز او اړوندو ولسواليو كې بريدونه ترسره كړي.
د سرچينې په وينا، په دې تاړو تر اوسه څوك نه دي نيول شوي، خو په اړه يې پلټنې روانې دي.
کلید ګروپ په ټویټر او فیسبوک کې وګورئ
