د کندهار د ملي امنيت چارواکي وايي، چې په کندهار ښاراو ولسواليو کې يې د کشفي عملياتو په ترڅ کې درې تنه د دولت ضد مخالفين، چې په غلچکي بريدونو او وسله والو نښتو کې يې برخه درلوده نيولي دي.
د کندهار د ملي امنيت چارواکي وايي، چې په کندهار ښاراو ولسواليو کې يې د کشفي عملياتو په ترڅ کې درې تنه د دولت ضد مخالفين، چې په غلچکي بريدونو او وسله والو نښتو کې يې برخه درلوده نيولي دي.
د ملي امنيت د چارواکو په وينا، په يادو کسانو کې يو تن، چې په کندهار ښار کې يې د غلچکي بريدونو مشري پر غاړه لري او د شاوليکوټ ولسوالۍ اوسېدونکى دى له يوه ملګري سره د لويې ويالې د فاميلو په سيمه کې د عملياتو پر مهال نيولى او دريم تن، چي د ميوند ولسوالۍ اصلي اوسېدونکى دى له يوميل کلاشنکوف او مخابرې سره نيولى دى.
په نيول شويو کسانو کې ځينو يې اعتراف کاوه، چي ګوا کې د دولت له مخالفينو سره لاس لري، خو ځينو نورو يې بيا دا تورنه ردول.
د يادونې وړ ده، چي څو اوونۍ وړاندې هم د ملي امنيت رياست مسؤلنيو د غلچکي بريدونو د پنځو بريدګرو د نيولو خبر ورکړى و.
کلید ګروپ په ټویټر او فیسبوک کې وګورئ
