ځايي امنيتي چارواكي وايي، چې د زابل ولايت په ارغنداب ولسوالۍ کې د ترافيکي پېښې له امله درې تنه مړه او پنځه نور ټپيان شول. د زابل سرپرست امنيه قوماندان سمونوال غلام جيلاني فراهي
ځايي امنيتي چارواكي وايي، چې د زابل ولايت په ارغنداب ولسوالۍ کې د ترافيکي پېښې له امله درې تنه مړه او پنځه نور ټپيان شول.
د زابل سرپرست امنيه قوماندان سمونوال غلام جيلاني فراهي په دې اړه كليد ته وويل، چې تېره شپه نهه بجي دعامو وګــــــــــړو يو بايفور ډوله موټر، چې د دې ولايت له ارغنداب ولسوالۍ څخه د مرکز کلات ښار په لور روان و د موټر چلوونكي د بې احتياطۍ او زيات ګړندى تګ له امله چپه شو، چې له امله يې درې تنه سپرلي وژل شوي او پنځه نور، چې يو ماشوم هم پكې شامل و ټپيان دي.
د فراهي په وينا، وژل شوي كسان خپلوانو ته سپارل شوي او ژوبل كسان په مركز كلات كې تر درملنې لاندې دي.
د يادونې وړ ده، چې يوه اونۍ وړاندې هم د زابل ولايت په شهر صفا ولسوالۍ كې د يوه موټرسايكل او ۳۰۳ ډوله موټر د ټكر له امله دوه تنه وژل شوي وو.
کلید ګروپ په ټویټر او فیسبوک کې وګورئ
