د کابل – جلال اباد پر لويه لاره پرون د يوې ترافيکي پېښې له امله درې ولسي وګړي ووژل شول او شپږ نور ټپيان شول. پېښه د لغمان اړوند د قرغيو ولسوالۍ په درونټې سيمه كې سهار لس بجې رامنځته شوه.
د کابل – جلال اباد پر لويه لاره پرون د يوې ترافيکي پېښې له امله درې ولسي وګړي ووژل شول او شپږ نور ټپيان شول.
پېښه د لغمان اړوند د قرغيو ولسوالۍ په درونټې سيمه كې سهار لس بجې رامنځته شوه.
د لغمان د ترافيکو مدير سمونوال صمد وايي، پېښه هغه مهال شوې، چې د دوو کرولا موټرو په ګډون څلور موټرې سره جنګېدلي.
دى نور جزيات نه لري، خو وايي، وژل شوي او يو ټپي د يوې کورنۍ غړي دي.
د ترافيکو مدير د پړې غاړې د نيونې او قانون ته د سپارنې هم وايي.
دى دغه راز د کابل – جلال اباد پر لويه لاره د داسې مرګونو پېښو لامل موټر چلوونکي ګڼي او وايي که ناپامي ونه کړي،دا پېښې به نه رامنځته کېږي.
يو شمېر ولسي خلک بيا پردې لاره د پوره ترافيکي اسانتياوو نشوالى د دې پېښو لامل ښيي او وايي، که ترافيک پوليس په اړينو سيمو کې ځاى، پرځاى شي نو ښايي دا مرګونې پېښې، چې د ژمي دې ورځو کې تر پخوا زياتې شوي، راکمې شي.
کلید ګروپ په ټویټر او فیسبوک کې وګورئ
