د پاکستان استخباراتي چارواکي وايي د افغانستان پولې ته نژدې په قبايلي سيمه کې، د يوې بې پېلوټه امريکايي الوتکې په راکټي حمله کې ۴ تنه مړه او ۳ ټپيان شول.
د پاکستان استخباراتي چارواکي وايي د افغانستان پولې ته نژدې په قبايلي سيمه کې، د يوې بې پېلوټه امريکايي الوتکې په راکټي حمله کې ۴ تنه مړه او ۳ ټپيان شول.
ويل كېږي، وژل شوي او ټپيان ټول د حقاني ډلې كسان دي او افغانان دي.
چارواکي وايي، چې له ميرعلي څخه مرسي خيل ته تلونكى موټر په بريد كې په نښه شوى، چې په كې سپورو ۷ تنو ته مرګ ژوبله اوښتې ده.
دغه سيمه د طالبانو او بهرنيو جنګياليو د استوګنې مهم مرکز بلل کېږي.
ويل کېږي په دې ځاى کې هغه سخت دريځي وسله وال هم پټ دي، چې په افغانستان کې پر ناټو او امريکايي پوځيانو د ګڼو بريدونو مسوولين ګڼل کېږي.
دغه سيمه ده، د حقاني ډلې غښتلى مركز بلل كېږي، چې د ځايي خلكو په وينا كسان يې په رڼا ورځ هم په سيمه كې ليدل كېږي.
کلید ګروپ په ټویټر او فیسبوک کې وګورئ
