دا خبره د ناټو تړون يوه ديپلومات پرون په بروکسل کې وکړه.
ټاکل شوې ده چې د ناټو مشران او د روسيې جمهور رئيس ديميتري مېدوېديف راتلونکې اوونۍ (نومبر۱۹-۲۰) د پرتګال د مرکز ليزبن په سرمشريزه کې وويني.
د ليزبن په غونډه کې ، چې جمهور رئيس کرزى هم پکې ګډون کوي، افغان امنيتي ځواکونو ته تر ۲۰۱۴ پوري د امنيتي چارو د سپارلو د پلان په بشپړولو خبرې کېږي.
دغه راز به په دې غونډه کې ناټو او روسيه په خپل منځ کې د ترانزيتي تړون د غځولو په څنګ کې د افغانستان ملي اردو ته د روسي هليكوپترو په ورکولو، د روسانو له لوري د افغان امنيتي ځواکونو په روزلواو د مخدرو موادو پرضد د افغانانو په روزنې موافقه وکړي.
د دوي ترمنځ به په ترانزيتي تړون کې د روسيې له لارې افغانستان ته د زغروالو موټرو انتقال هم شامل شي .دا به لومړى ځل وي چې ناټو د روسيې له لارې افغانستان ته پوځي اكمالات كوي.
کلید ګروپ په ټویټر او فیسبوک کې وګورئ
