ځايي چارواكو ويلي، چې په غور ولايت كې يې د ۲۰ كيلو ګرامه چاودېدونكو توكو په نيولو سره د يوې چاودنې مخه نيولې ده. د غور ولايت د امنيه قومندان عبدالباقي نورستاني كليد ته وويل، چې ځايي پوليسو په چارسده ولسوالۍ كې ۲۰ كيلو ګرامه چاودېدونكي توكي، چې په ۳ بوشكو كې ځاى پرځاى شوي وو، كشف كړل.
ځايي چارواكو ويلي، چې په غور ولايت كې يې د ۲۰ كيلو ګرامه چاودېدونكو توكو په نيولو سره د يوې چاودنې مخه نيولې ده.
د غور ولايت د امنيه قومندان عبدالباقي نورستاني كليد ته وويل، چې ځايي پوليسو په چارسده ولسوالۍ كې ۲۰ كيلو ګرامه چاودېدونكي توكي، چې په ۳ بوشكو كې ځاى پرځاى شوي وو، كشف كړل.
نوموړي زياته كړه، دغه چاودېدونكي توك په هغه لاره ايښودل شوي وو، چې پر تل افغان او بهرني ځواكونه تګ راتګ كوي.
د نورستاني په وينا، تر اوسه يې په دې تړاو څوك نه دي نيولي، خو د پوليسو لخوا په دې برخه كې پلټنې روانې دي.
طالبانو په دې وروستيو كې د نورو بريدونو ترڅنګ د سړك پر غاړې ماينونو هم ځاى پر ځاى كوي، چې له كبله يې هر كال د ګډو ځواكونو سلګونه سرتيري او ملكي وګړو ته مرګ ژوبله اوړي.
کلید ګروپ په ټویټر او فیسبوک کې وګورئ
