د امريكا جمهور رئيس بارك اوباما په اندونيزيا كې د خبرو پر مهال د اسرائيلو لخوا په يروشيلم كې د نويو ۱۳۰۰ ښارګوټو پر جوړولو نيوكه وكړه. اوباما، چې د اندونيزيا په مركز جكارتا كې خبرې كولې وويل، چ
د امريكا جمهور رئيس بارك اوباما په اندونيزيا كې د خبرو پر مهال د اسرائيلو لخوا په يروشيلم كې د نويو ۱۳۰۰ ښارګوټو پر جوړولو نيوكه وكړه.
اوباما، چې د اندونيزيا په مركز جكارتا كې خبرې كولې وويل، چې اسرائيل او فلسطين دواړه هېوادونه د سولې د خبرو اترو د كاميابېدو لپاره كوښښ نه كوي.
نوموړي زياته كړې، چې د سولې د خبرو اترو پرمخ وړولو لپاره د اسرائيلو لخوا د يهودي كليو جوړولو پرېكړه ستر خنډ دى.
اسرائيلو څو وروځې وړاندې په ختيځ يروشيلم كې د ۱۳۰۰ نويو ښارګوټو جوړولو اعلان كړى و.
ملګرو ملتونو او امريكې هغه مهال هم د اسرائيلو لخوا په لاندې شوې سيمې (ختيځ يروشيلم) كې د نويو يهودي ښارګوټو پر جوړولو اندېښنې څرګندې كړې وې.
امريكا ويلي وو، چې د اسرائيلو لخوا د دغو نويو كلو د جوړولو اعلان ناهيلي كوونكى و او دا كار د دواړ هېوادنو ترمنځ په خبرو اترو منفي اغېز ښندي.
د ملګرو ملتونو عمومي منشي بانكي مون هم د اسرائيلو صدراعظم بنيامنين نتن ياهو ته ويلي وو، چې د ښارګوټو جوړولو كار بندول په منځني ختيځ كې د روانو خبرو اترو د ځند د له منځه وړولو لپاره ډېر مهم دي.
د نړيوالو قوانيونو له مخې د اسرائيلو لخوا په لاندې شويو سيمو كې د يهودي كليو ودانولو كار ناقانونه دى او په دې سره د اسرائيلو او فلسطينيانو ترمنځ د سولې خبرې اترې ځنډېدلي دي.
د فلسطيني چاراكو په وينا، د اسرائيلو لخوا د دغې كار اعلان د دواړو هېوادونو ترمنځ د سولې د خبرو اترو د له منځه وړلو يوه هڅه ده.
کلید ګروپ په ټویټر او فیسبوک کې وګورئ
