.jpg)
د پكتيا ولايتي چارواكي وايي، چې نن سهار اته بجې د دې ولايت د شواك ولسوال علي اباد د سړك د غاړې بمي چاودنې كې ووژل شو. د پكتيا والي وياند روح الله سمون د
د پكتيا ولايتي چارواكي وايي، چې نن سهار اته بجې د دې ولايت د شواك ولسوال علي اباد د سړك د غاړې بمي چاودنې كې ووژل شو.
د پكتيا والي وياند روح الله سمون د پېښې د پخلى تر څنګ رسنيو ته ويلي، چې پر ولسوال علي اباد هغه مهال د سړك د غاړې بمي چاودنه وشوه، چې نوموړى د خپلوانو له كوره ولسوالۍ ته پر لاره و.
د ده په وينا، دغه پېښه د شواك ولسوالۍ په ابراهيم خيلو سيمه كې رامنځته شوې.
تر دې دمه لا كومې ډلې د ولسوال د وژل كېدو مسؤليت نه دى اخيستى، خو دا ډول ډيرى پېښې په سيمه كې د وسله والو طالبانو له خوا كېږي.
ياده دې وي، چې نږدې يوه اونۍ وړاندې د پكتيا ولايت د سيدكرم پر ولسوال اغا ګل هم د وسله والو طالبانو له خوا د كمين په ترڅ كې بريد شوى و، چې له امله يې د ولسوال په ټپي كېدو سربېره يې دوو تنو ساتو كو ته مرګ ژوبله اوښتې وه.
شواك، چې د پكتيا له مركز ګردېز څخه په نږدې ۴۰ كيلو متره كې پرته غرنۍ ولسوالي ده او وخت ناوخت په كې د وسله والو له خوا پر امنيتي ځواكونو د سړك د غاړې بمي چاودنې او غلچكي بريدونه كېږي.
کلید ګروپ په ټویټر او فیسبوک کې وګورئ
