د جمهور رئيس وياند د مالديف په غونډه كې د افغان دولت د شتون له رد بيره راتلونكي ژمي لپاره د افغان حكومت له تياريو څخه خبر وركړ. د جمهور رئيس وياند وحيد عمر د دوشنبې په ورځ د يوې خبري غونډې په ترڅ كې د مالديف
د جمهور رئيس وياند د مالديف په غونډه كې د افغان دولت د شتون له رد بيره راتلونكي ژمي لپاره د افغان حكومت له تياريو څخه خبر وركړ.
د جمهور رئيس وياند وحيد عمر د دوشنبې په ورځ د يوې خبري غونډې په ترڅ كې د مالديف د هغې غونډې په اړه، چې ويل كيږي د افغان دولت د وسله والو مخالفينو، حزب اسلامي او د ولسي جرګې د غړو په ګډون جوړه شوې د افغان حكومت لخوا په نوموړه غونډه كې د حكومت د استازو شتون په كلكه رد كړ او په وينايې، چې دا شان غوڼدې بې گټې او بې پايلې دي.
د وحيدعمر په خبره، افغان حكومت راتلونكي ژمي لپاره د وزيرانو په شورا كې اړوندو وزارتونو ته لارښوونه كړې، ترڅو د ژمي لپاره د خوراكي توكو، سون موادو او د لويو لارو د بنديو څخه وړاندې لازم اقدامات او تياري ونيسي.
وحيدعمر همدا راز وويل، چې د بهرنيو چارو وزارت ته لارښونه شوې ترڅو په بهركې له مېشتو افغان محصلينو سره د سفارتونو له لارې ستونزې حل كړي او له دوه ګونى چلند پرته دې اړوندې اسانتياوې ورته برابرې كړي.
کلید ګروپ په ټویټر او فیسبوک کې وګورئ
