د هلمند ولايت په لښكرګاه ښار كې نن نږدې يوه نيمه بجه بمي چاودنې شوې، چې په ترڅ كې يې ۵ ملكي وګړ ته مرګ ژوبله واوښته. د هملند ولايت د امنيه قومندانۍ د امنيت امر سمونوال کمال الدين شيرزي د پېښې پلخى
د هلمند ولايت په لښكرګاه ښار كې نن نږدې يوه نيمه بجه بمي چاودنې شوې، چې په ترڅ كې يې ۵ ملكي وګړ ته مرګ ژوبله واوښته.
د هملند ولايت د امنيه قومندانۍ د امنيت امر سمونوال کمال الدين شيرزي د پېښې پلخى كړى او ويلې يې دي، چې چاودنه د لښکرګاه ښار سولې څلور لارې ته څېرمه د دارالمعلمينو د ودانۍ په څنګ کې رامنځ ته شوې، چې په ترڅ كې يې يو تن سپين ږيرى مړ او څلور نور ملکي کسان ژوبل شول.
هغه وايي، په دغه لاره د پوليسو رېنجر موټر تېرېدونکې و، چې د ريمونټ کنټرول په وسيله چاودنه تر سره شوه.
سمونوال شيرزي زياته کړه، چې چاودېدونکي توکې د سړک د غاړې په يوې لاسي كراچۍ کې ځاى پر ځاى شوي وو.
د امنيت امر د چاودنې موخه د بهرنيانو کاروان په ګوته کړ، چې هغه هم څو شېبې وړاندې له سيمې تېر شوى و.
د يادونې وړ ده، چې تېره ورځ هم د لښکر ګاه په يوه بله سيمه بشران کې د يوې چادونې له کبله پنځه تنه مړه او شپږ نور يې ټپيان شوي وو.
د دغو چاودنو په اړه تر دې دمه وسله والو طالبانو څه نه دي ويلي.
کلید ګروپ په ټویټر او فیسبوک کې وګورئ
