د پاكستان د قبايلي سيمې شمالي وزيريستان په مركز ميرانشاه كې كې د امريكا د بې پيلوټه الوتكو دوو بېلابېلو بريدونو كې ۹ تنه ووژل شول. يوه پاكستاني استخباراتي چارواكي رسنيو ته د نوم
د پاكستان د قبايلي سيمې شمالي وزيريستان په مركز ميرانشاه كې كې د امريكا د بې پيلوټه الوتكو دوو بېلابېلو بريدونو كې ۹ تنه ووژل شول.يوه پاكستاني استخباراتي چارواكي رسنيو ته د نوم د نه ښوولو په شرط ويلي، چې لومړى بريد د ميرانشاه شمال ته په غلام خان كلي كې شوى، چې په ترڅ كې يې ۵ تنه ووژل شول.
د دغه چارواكوي په وينا، يو ساعت وروسته بل بريد د ميرانشاه په دته خېلو سيمه كې وشو، چې په دې بريد كې يو موټر په نښه شوى و او په ترڅ كې يې ۹ تنه ووژل شول.
شمالي وزيريستان د افغانستان پولې ته څېرمه پرته غرنۍ سيمه ده، چې د القاعدې او حقاني ډلې غښتلى مركز بلل كېږي.
د دولتي شمېرو له مخې په روان كال كې په شمالي او جنوبي وزيريستان د امريكا د بې پيلوټه الوتكو ۷۰ بريدونه شوي، چې له كبله يې تر ۲۰۰ زيات كسان وژل شوي دي. کلید ګروپ په ټویټر او فیسبوک کې وګورئ
