په کندهار ښار کې نامعلومو وسله والو په غلچكي بريد كې د کندهار لوى محبس يو تن كاركوونكى غلام حبيب په ډزو سره و واژه. پر نوموړي نن له غرمې مخكې شاوخوا يوولس بجې د کندهار ښ
په کندهار ښار کې نامعلومو وسله والو په غلچكي بريد كې د کندهار لوى محبس يو تن كاركوونكى غلام حبيب په ډزو سره و واژه.
پر نوموړي نن له غرمې مخكې شاوخوا يوولس بجې د کندهار ښار په دويمه حوزه کې د اخوند صاحب جامع جومات ته څېرمه نامعلومو کسانو بريد كړى و.
د کندهار د والي وياند زلمى ايوبي د پېښي پخلى کوي او وايي، چې وسله والو برېد كوونكو له سيمې څخه په تېښته بريالي شوي، خو پوليس يې په پلټنې بوخت دي.
تر اوسه د نوموړي د وژنې پړه لا چا پر غاړه نه ده اخيتسې او نه هم د كندهار امنيتي چارواكو په دې اړه څه ويلي دي.
د يادونې وړ ده، چې د پنجشنبې په ورځ هم نا معلومو وسله والو د پوهنې رياست د سواد زده كړې مديريت مرستيال عبدالله خان د كندهار ښار اړوند د برېښنا كوټ په سيمه كي په ډزو سره وژلى و.
کلید ګروپ په ټویټر او فیسبوک کې وګورئ
