د کندهار ولايت په ژړۍ ولسوالۍ كې تېره شپه، ماښام مهال د ګډو ځواكونو د امنيتي قراګاه په دروازه كې ځانمرګى بريد شوى، چې په ترڅ كې يې ۲ ولسي وګړو ته مرګ ژوبله واوښته.
د کندهار ولايت په ژړۍ ولسوالۍ كې تېره شپه، ماښام مهال د ګډو ځواكونو د امنيتي قراګاه په دروازه كې ځانمرګى بريد شوى، چې په ترڅ كې يې ۲ ولسي وګړو ته مرګ ژوبله واوښته.
د ژړۍ ولسوال حاجي عبدالكريم ولسمل د پېښې پخلى كوي او وايي، چې پېښه هغه مهال رامنځته شوه، كله، چې افغان او امريكايي ځواكونه له ګزمې وروسته خپلې قراګا ته ننول.
د نوموړي په وينا، پېښه د ژړۍ ولسوالۍ اړوند د سنځري سيمي په زمان آغا غونډۍ كې رامنځته شوې.
ولسمل د بهرنيو او كورنيو سرتېرو د مرګ ژوبلي په اړه جزئيات ورنه كړه.
د کندهار د والي وياند زلمى ايوبي هم د پېښې پخلى کړى او ويلي يې دي، چې په پېښه کې بهرني سرتيري هم ټپيان شوي دي، خو د شمېرې په اړه يې معلومات نه لري.
په سيمه كې مېشتو امريكايي ځواكونو لا په دې اړه څه نه دي ويلي او نه هم وسله والو طالبانو د پېښې پړه پر غاړه اخيستې ده.
کلید ګروپ په ټویټر او فیسبوک کې وګورئ
