ځايي چارواكو په هلمند ولايت كې د يو لړ عملياتو په ترڅ كې د ۱۷ وسله والو طالبانو د وژلو او نشه يي توكو د نيولو خبر وركړ. د هلمند د والي وياند داود احمدي کليد ته په دې اړه وويل،
ځايي چارواكو په هلمند ولايت كې د يو لړ عملياتو په ترڅ كې د ۱۷ وسله والو طالبانو د وژلو او نشه يي توكو د نيولو خبر وركړ.
د هلمند د والي وياند داود احمدي کليد ته په دې اړه وويل، چې دغه عمليات تېره ورځ د دېشو ولسوالۍ په بهرامچه کې، چې ايران او پاکستان سره په پوله تړلې سيمه ده د افغان او آيساف ځواکونو له لوري ترسره شوي، چې د ۱۷ وسله والو طالبانو د وژلو تر څنګ پکې دوه د ګډو ځواکونو سرتيري هم ټپيان شوي دي.
احمدي وايي، په ياده سيمه کې د وسله والو طالبانو د وژل کېدو تر څنګ د نشه يي توكو او وسلو د ترلاسه كولو او له منځه وړو خبر هم وركړ.
بل خوا د وسلوالو طالبانو وياند قاري يوسف احمدي وايي، چې د تر سره شويو عملياتو پرمهال يې د بهرنيو ځواكونو ۱۱ ټانګونه ويجاړ كړي او لسګونه سرتيري يې وژلي دي.
نوموړي وويل، چې په عملياتو كې د ګډو ځواكونو لخوا د بهرامچې په بازار كې لسګونو ملكي خلكو ته مالي زيان هم اوښتى دى.
د قاري يوسف د دغې ادعا په اړه ګډو ځواكونو څه نه دي ويلي.
کلید ګروپ په ټویټر او فیسبوک کې وګورئ
