د ننګرهار عامې روغتيا رياست يو شمېر تاريخ تېر درمل او خوراکي توکي په داسې حال کې وسوځول، چې د بيې او کچې په اړه يې روغتيا رئيس او د ډاکټرانو ټولنې مشر مخالف نظرونه ښودل.
د ننګرهار عامې روغتيا رياست يو شمېر تاريخ تېر درمل او خوراکي توکي په داسې حال کې وسوځول، چې د بيې او کچې په اړه يې روغتيا رئيس او د ډاکټرانو ټولنې مشر مخالف نظرونه ښودل.
د روغتيا رئيس ډاکټر بازمحمد شېرزاد د دې توکو د سوزولو پرمهال کليد ته وويل، چې دا توکي يې د بېلا بېلو ځايي او صنفي ادارو په مرسته ټول کړي.
شېرزاد وويل، چې سوځول شوي توکي يو سلو اتيا قلمه دي او پينځه اويا زره ډالره ارزښت لري، خو د ننګرهار د ډاکټرانو د ټولنې مشر خوشال تسل يې د خبرې په رد سره دعوه کوله، چې دغه توکي شاوخوا پينځه زره امريکايي ډالر ارزښت لري او په راټولولو کې يې د ډاکټرانو ټولنه او نورې اړوندې ادارې خبرې نه دي.
د ننګرهار روغتيا رئيس په دې اړه، چې ياد شوي تاريخ تېر توکي په څومره موده کې نيول شوي او په دغه سيمه كې يې د شتون علت څه دى؟ څه ونه ويل.
د ننګرهار د درمل پلورونکو د ټولنې مشر نجيب الله صاحبزاده بيا وايي، که روغتيايي چارواکي دا ستونزه جدي وګڼي او هغه خلکو ته، چې تاريخ تېر درمل او خوراکي توکي پلوري، سزا وركړي، د دې توکو بيا راټولونې او سوځونې ته به اړتيا پاتې نه شي.
کلید ګروپ په ټویټر او فیسبوک کې وګورئ
