ځايي چارواکي وایي، چې تېره شپه ۷ بجې بغلان د پلخمري ولسوالۍ په بوغوی سیمه کې د وسله والو طالبانو د برید په پایله کې د بهرنیو ځواکونو یو عراده ټانګ ویجاړشوی دی.
ځايي چارواکي وایي، چې تېره شپه ۷ بجې بغلان د پلخمري ولسوالۍ په بوغوی سیمه کې د وسله والو طالبانو د برید په پایله کې د بهرنیو ځواکونو یو عراده ټانګ ویجاړشوی دی.
د بغلان يوه امنیتي چارواکي، د نوم د نه ښوولو په شرط کلید ته وویل، چې د یادو ځواکونو یو عراده ټانګ په سیمه کی سوځول شوی، خو د مرګ ژوبلې په اړه یې معلومات نه لري.
په کندوز کې د ایساف ویاند ډګرمن بخاري کلید ته په خبرو كې د بريد پخلى كړى او ویلي دي، چې تېره شپه یی د بغلان د پلخمري په ولسوالۍ کې دوه تنه سرتیری ټپیان شوی دي.
بلخو د وسله والو طالبانو ویاند ذبیح الله مجاهد د ټیلفون له لاری كليد ته وويل، چې د يادې ولسوالۍ په مربوطاتو کې يې د کمین په ترڅ کې د بهرنيو ځواكونو دوه عرادې زغروال ګاډي په مکمل ډول ویجاړ كړي، چې په ترڅ كې يې ۴ بهرني سرتيري مړه او۳ نور یې ټپيان دي.
د يادونې وړ ده، چې په دې وروستيو كې د هېواد د شمالي ولايتونو په ځينو سيمو كې د وسله والو طالبانو فعاليتونه ډېر شوي، چې کندوز او بغلان هم په دغو سيمو كې راځي او كله ناكه يې په ځينو سيمو او لویه لاره د ګډو ځواكونو پر کتارونه او اکمالاتي کاروانونه بریدونه كېږي.
کلید ګروپ په ټویټر او فیسبوک کې وګورئ
