په ننګرهار کې د دوو جلا قومي وسله والو نښتو له امله اتو تنو ته مرګ، ژوبله واوښته. پېښې دواړه پرون سهار د ننګرهار په سره رود او دره نورولسواليو کې شوي.
په ننګرهار کې د دوو جلا قومي وسله والو نښتو له امله اتو تنو ته مرګ، ژوبله واوښته.
پېښې دواړه پرون سهار د ننګرهار په سره رود او دره نورولسواليو کې شوي.
د ننګرهار د والي وياند احمدضياعبدالزى وايي يوه نښته د سره رود په شېخ مصري سيمه کې د پچېراګام د اصلي استوګنو دوو مېشتو کورنيو ترمنځ د اوبو پرسر شوې، چې له يوې غاړې پکې څلور تنه وژل شوي، خو اوس وضعه کراره او د پوليسو په واک کې ده.
بلخوا همدا پرون سهار د ننګرهار د دره نور ولسوالۍ په شيکالۍ کلي کې د همدې کلي او بل کلي سوتن د استوګنو ترمنځ نښته شوې، چې وېل کېږي څلور تنه پکې ټپيان دي.
د ننګرهار د ولايتي شورامنشي او د دې ولسوالۍ استوګن محمد ايوب ملک بابا وايي، چې نښته په شيکالۍ کې د يوه سوتن مېشتي موټرچلوونکي د موټرځغلولو په سر شوې، چې د شيکالۍ درې او د سوتن يو استوګن پکې ټپيان دي.
دې سيمې ته د منځګړې جرګې د ورتګ او نښتې د ودرېدو خبر ورکوي، خو په اړه يې نور جزيات نه لري.
د ننګرهار د والي وياند يوازې نښته مني، خو له جزياتو يې په ناخبرۍ ښودلو سره وايي، چې په کرارولو پسې يې سيمې ته پوليس ورغلي.
يو شمېر خلک ننګرهار ولايتي چارواکي د داسې نښتو په مخنيوي کې پاتې بولي او وايي که دوى د داسې نښتو پر پخوا رامنځته کوونکو قانون پلى کړى واى، نو دا لړۍ به نه غځېده.
کلید ګروپ په ټویټر او فیسبوک کې وګورئ
