په هېواد کې د جمهور رئيس کرزي د ۶۲ ګنه لیک حکم پر اساس په پکتیکا ولايت کې له شخصي امنیتي کمپنیو څخه د وسلو ټولولو لړۍ پیل شوه. په پکتیکا کې د وسلې ټولوني دغه
په هېواد کې د جمهور رئيس کرزي د ۶۲ ګنه لیک حکم پر اساس په پکتیکا ولايت کې له شخصي امنیتي کمپنیو څخه د وسلو ټولولو لړۍ پیل شوه.
په پکتیکا کې د وسلې ټولوني دغه لړۍ د نظري شخصي امنیتي شرکت څخه پیل شوه، چې په راتلونکو څو ورځو کې به د ټولو هغو امنیتي شرکتونو څخه، چې د دولت له چوکاټه د باندي فعالیت کوي و سلې ټولي اود ډایاک پروګرام ته وسپارل شي.
له همدې امله د پكتيكا ولايت په امنیه قومندانۍ کې جوړې شویې غونډې ته چې د پکتیکا پر والي محب الله صمیم سربېره امنیه قومندان او یو شمېر نورو نظامي او دولتي چارواکو هم ګډون کړی و، د پکتیکا والي محب الله صمیم په دې اړه وویل، چې دوى د ولسمشر حامد کرزي د حکم له مخي د دې شخصي امنیتي کمپنو له مسؤلینو سره ګډه ناسته کړې، چې په ترح کې یې ټولې شخصي امنیتي کمپنۍ د دولت په چوکاټ کې خپلي وسلې د ډایاک پروګرام ته وسپاري.
صمیم زیاتوي، چې هغه څوک، چې په شخصي امنیتي کمپنیو کې وي او د اکمالاتو د ساتني دندي یې درلودې، هغوى د جمهور رئيس د حکم پر اساس د افغانستان په دولتي او امنیتي ځواکونو کې په رسمي او قانوني ډول دندي تر سره کوي او د دولت له لوري به امتیاز ورته ورکړل شي.
د یاوني وړ ده، چې په پکتیکا کې ټولی ۸ شخصي امنیتي كمپنۍ فعالیت کوي، چې د ناټو ځواکونو د موټرو ساتنه یې پرغاړه ده.
کلید ګروپ په ټویټر او فیسبوک کې وګورئ
