د جلال اباد – تورخم پر لويه لاره پرون د يوې ترافيکي پېښې په ترڅ كې پينځه تنه مړه او څو نور ټپيان شول، چې چارواکي يې د شمېر په اړه بېلا، بېل نظرونه لري.
د جلال اباد – تورخم پر لويه لاره پرون د يوې ترافيکي پېښې په ترڅ كې پينځه تنه مړه او څو نور ټپيان شول، چې چارواکي يې د شمېر په اړه بېلا، بېل نظرونه لري.
د ننګرهار د ترافيکو مدير غلام دستګير رحيمي وايي، پېښه له جلال اباده تورخم ته د يوه تلونکي کرولا او له تورخمه جلال اباد ته د يوه راتلونکي بس موټر ترمنځ د غني خېلو ولسوالۍ په مارکو سيمه کې شوې، چې له كبله يې په بس کې ناستې درې ښځې او دوه ماشومان وژل شوي.
رحيمي په پېښه کې د شپږو تنو د ټپي کېدو خبره هم كوي، خو دا نه وايي، چې ټپيان د کوم موټر سپرلۍ دي.
د ترافيکو مدير وايي، چې د مړو جسدونه او ټپيان ټول د غني خېلو روغتون ته لېږدول شوي او پېښه د همدې ولسوالۍ په امنيې قومندانۍ کې تر څېړنې لاندې ده.
د غني خېلو ولسوال حاجي زلمي هم کليد ته د پېښې او تر ډېره د ترافيکو مدير د خبرو پخلى وکړ، خو ده د ټپيانو شمېره درې تنه او هغه هم نارينه وښودل.
ولسوال هم د ترافيکو مدير په شان له دې ناخبري وښوده، چې ټپي شوي کسان په کوم موټر کې سپاره ول.
ننګرهار، چې وخت، نا وخته پكې داسې مرګونې ترافيکي پېښې رامنځته کېږي، د موټر چلوونکو پرناپامۍ سربېره يې چارواکي د ترافيکو د پرسونل کموالى هم هغه څه لامل ګڼي، چې له امله يې داسې پېښې رامنځته کېږي.
کلید ګروپ په ټویټر او فیسبوک کې وګورئ
