ځايي چارواكو ويلي، چې د پاكستان د قبايلي سيمې اوركزۍ ايجنسۍ په قلات سيمه كې يوه چاودنه شوې، چې په ترڅ كې يې ۵ تنو ته مرګ ژوبله واوښته.
ځايي چارواكو ويلي، چې د پاكستان د قبايلي سيمې اوركزۍ ايجنسۍ په قلات سيمه كې يوه چاودنه شوې، چې په ترڅ كې يې ۵ تنو ته مرګ ژوبله واوښته.
دغه پېښه د دوشنبې په سهار رامنځته شوې، چې د ځايي چارواكو په وينا، نامعلومو كسانو د سړك پر غاړې يو ډيسي بم ځاى پر ځاى كړى و، چې د چاودېدو په ترڅ كې يې ۳ تنه مړه او ۲ نور ټپيان شول.
د سرچينې د معلوماتو له مخې، دغې سيمې كې د دوو ډلو ترمنځ تاوتريخوالى روان دى، چې په وينايې، دغه چاودنه د دواړو ډولو تر كنټرول لاندې سيمو په سرحد كې رامنځته شوې.
په اوركزۍ ايجنسۍ كې كه له يوې، خو د ډلو ترمنځ تاوتريخوالى روان دى، نو له بلې خوا د امنيتي ځواكونو لخوا د سخت دريزو پروړاندې عمليات روان دى او سخت دريز هم پر امنيتي سرتېرو بريدونه كوي.
تېره ورځ هم په اوركزۍ ايجنسۍ كې پاكستاني هليكوپټرو د سخت دريزو څو مركزونه ويشتي وو، چې په ترڅ كې يې ۱۰ تنه وژل شوي وو.
په اوركزۍ ايجنسۍ كې له څو مياشتو راهيسې د سخت دريزو پروړاندې عمليات روان دي، چې د جمعې په ورځ د سړك د غاړې پر ايښودل شوي ماين چاودنې كې يو افسر او ۶ سرتيري ووژل شول.
د چارواكو په وينا، دغه سرتيري په سيمه كې پر ګزمه بوخت وو.
په دغې سيمې كې د سخت دريزو پرواندې د روانو عملياتو له كبله په زګونه كسان بې كوره شوي دي.
کلید ګروپ په ټویټر او فیسبوک کې وګورئ
