د هېواد د کورنيو چارو وزير د هلمند ولايت نادعلي ولسوالۍ ته د يو لنډ سفر پر مهال ويلي دي، چې په هلمند کې امنيت تر پخوا ښه شوى. د هېواد د کورنيو چارو وزير ستر جنرال
د هېواد د کورنيو چارو وزير د هلمند ولايت نادعلي ولسوالۍ ته د يو لنډ سفر پر مهال ويلي دي، چې په هلمند کې امنيت تر پخوا ښه شوى.
د هېواد د کورنيو چارو وزير ستر جنرال بسم الله محمدي هلمند ولايت ته د خپل سفر پر مهال په نادعلي ولسوالۍ كې له ځايي چارواکو او قومي مشرانو سره د ليدلو پرمهال وويل، چې په دې په هلمند ولايت كې د ملي پوليسو شمېره تر پخوا دوه برابره شوې، چې په وينا يې، د دې ولايت په ډېرو سيمو کې امنيت ښه شوى او بيارغونې ته لاره هواره شوې ده.
د نوموړي هلمند ولايت ته د امنيتي وضيعت د ارزونې او د پوليسو او امنتې ځواكونو پر وړاندې د شته ستونزو د حلولو په موخه سفر كړى و.
د كورنيو چارو وزير له ځايې قومي مشرانو سره د ليدلو پرمهال له هغوى غوښتنه وكړه، چې له امنتي ځواكونو سره مرسته وكړي او خپل ځوانان د پوليسو ليكو ته وليږي.
د سترجنرال بسم الله محمد د سفر پر مهال د هلمند والي محمدګلاب منګل هم شتون درلود، نوموړي وويل، چې اوس مهال د مركزي دولت پاملرنه دې ولايت ته اوښتې ده، چې له همدې كبله په دې ولايت كې امنيت له ټينګښت سره سم د بيارغونې كارونه پيل شوي دي .
والي زياته كړه، چې په هلمند ولايت كې دوه د پوليسو روزنيز مركزونه اوس مهال فعال دي، چې تر دې مهاله يې سلګونه پوليس روزلي دي.
کلید ګروپ په ټویټر او فیسبوک کې وګورئ
