ځايي سرچينې د خيبرپښتونخوا په سويلي وزيرستان کې د سړک غاړې ماين چاودنې له امله د درېيو دولتي سرتېرو دوژل کېدو وايي. دغه چاودنه تېره ورځ څه پاندې ۲ بجې د محسودو غرنۍ سيمې په
ځايي سرچينې د خيبرپښتونخوا په سويلي وزيرستان کې د سړک غاړې ماين چاودنې له امله د درېيو دولتي سرتېرو دوژل کېدو وايي.
دغه چاودنه تېره ورځ څه پاندې ۲ بجې د محسودو غرنۍ سيمې په مکين ښارګوټي كې هغه مهال رامنځته شوې، چې امنيتي ځواكونه له سيمې څخه د تېرېدو په حال كې وو.
د يادونې وړ ده، چې تېر كال په جنوبي وزيريستان كې پوځي عمليات تر سره شول، چې ويل كېده، د محسودو قبايلي سيمه له ترهګرو او ځايي طالبانو پاكه شوې، خو دې چاودنې په سيمه كې د طالبانو شتون يو ځل بيا په ډاګ كړ.
د پوځي عملياتو له كبله ځايي خلك، ټانګ، ډېره اسماعيل خان او بنو ته كډه شوي او دا مهال د محسودو په قبايلي سيمه كې هيڅ كور نشته، چې دولت يې د بې ځايه شويو كورنيو د بېرته راوستو هڅه كوي.
خو ځايي طالبانو پاكستاني حكومت ته اختار وركړى، چې د بې ځايه شويو كورنيو د بېرته راوستو هڅه دې نه كوي.
كه څه هم ډېرى وخت د داسې پېښو پړه ځايي طالبانو پر غاړه اخيسته، خو تر اوسه د دې پېښې پړه چاپرغاړه نه دى اخېستې.
کلید ګروپ په ټویټر او فیسبوک کې وګورئ
