اسوشيتد پريس اژانس د افغان سرچينو له خولې څرګندوي، چې يو تن له هغو طالبانو څخه، چې د جمهور رئيس کرزي له حکومت سره يې اړيکه نيولې، د طالبانو د رژيم پر مهال د ننګرهار والي مولوي عبدالکبير دى.
اسوشيتد پريس اژانس د افغان سرچينو له خولې څرګندوي، چې يو تن له هغو طالبانو څخه، چې د جمهور رئيس کرزي له حکومت سره يې اړيکه نيولې، د طالبانو د رژيم پر مهال د ننګرهار والي مولوي عبدالکبير دى.
دغې سرچينې، چې د نوم له ښوولو يې ډډه کړې، دا هم ويلي، چې مولوي کبير د يوه درېمې ګړۍ له لارې له ولسمشر کرزي سره اړيکي نيولې دي.
خو په اسلام اباد کې د طالبانو د رژيم د وخت سفير ملا عبدالسلام ضعيف وايي، چې د طالبانو هيڅ ځانګړى استازى کابل ته نه دى تللى.
بلخوا په افغانستان كې د ناټو ځواكونو مشر امريكايي جنرال ډېوېډ پېټرېوس هم ويلي، چې ناټو ځواكونو لږ تر لږه يوه طالب قوماندان ته كابل ته له افغان حكومت سره د خبرو لپاره د تګ خوندي لاره برابره كړې ده.
نوموړي كه څه هم د ياد طالب قوماندان هويت څرګند نه كړ، خو ويې يويل، چې دغه كار يې د افغان جمهور رئيس حامد كرزي لخوا وسله والو طالبانو سره د خبرو اترو د ملاتړ په موخه كړى.
کلید ګروپ په ټویټر او فیسبوک کې وګورئ
