ناټو ځواكونو د افغانستان په ختيځ او جنوب كې د خپلو شپږو سرتېرو د وژل کېدو خبر ورکړ. د يادو ځواكونو له مطبوعاتي دفتره په خپره شوې خبر پانه كې راغلي ، چې دغه سرتيري پرون په بېلابېلو پېښو كې وژل شوي دي.
ناټو ځواكونو د افغانستان په ختيځ او جنوب كې د خپلو شپږو سرتېرو د وژل کېدو خبر ورکړ.
د يادو ځواكونو له مطبوعاتي دفتره په خپره شوې خبر پانه كې راغلي ، چې دغه سرتيري پرون په بېلابېلو پېښو كې وژل شوي دي.
سرچينې د وژل شويو كسانو هويت او د وژل كېدو كره ځاى نه دى په ډاګه كړى، خو بايد وويل شي، چې په ختيځ كې مېشت ناټو سرتيري ټول امريكايان دي.
د روان زېږديز کال له پيل راهيسې د هېواد په بېلا بېلو سيمو کې د وژل شويو ناټو سرتېرو شمېره ٥٨٣ ته ورسېده.
په دې کې ٣٨٥ امريکايي، ٩٥ بريتانوي او ١٠١ د ناټو اړونده نورو غړيو هېوادونو دي.
تېرکال په هېواد کې ٥٢١ بهرني سرتېري وژل شوي و.
کلید ګروپ په ټویټر او فیسبوک کې وګورئ
