يوه افغان چارواکي د لومړي ځل لپاره په رسمي توګه ومنله، چې په کونړ کې د امريکايي موسېسې د تښتول شوې برتانوۍ کارکوونکې د تښتونکو لخوا يې د ناچاوده توکيو په چاودنه کې وژل شوې.
يوه افغان چارواکي د لومړي ځل لپاره په رسمي توګه ومنله، چې په کونړ کې د امريکايي موسېسې د تښتول شوې برتانوۍ کارکوونکې د تښتونکو لخوا يې د ناچاوده توکيو په چاودنه کې وژل شوې.
شپږ دېرش کلنه لنډا نور ګروي، چې د سلفي طالبانو په نامه يوې ځايي ډلې يې د تښتونې مسوليت اخېستى و،د برتانيې بهرنيو چارو وزارت يې پرون ناوخته تر دوه اونيز بند وروسته د وژل کېدو خبر ورکړ، خو افغان چارواکو يې له پخلي او رد دواړو ډډه کوله.
په ختيځ کې د سېلاب قول اردو د دويمې لېوا قومندان بريد جنرال محمد افضل، چې د لومړني اړوند چارواکي په توګه د ډي،اى،ايي موسسې د دې د دې ښځې په راخلاصونې پسې د ايتلافي ځواکونو په عملياتو کې د خپلو سرتېرو د شتوالي پخلى کوي، بيا وايي دا ښځه تښتونکو پرخپل ضد د عملياتو پرمهال د څوکۍ ولسوالۍ په سپېدار کلي کې د لاسي بم او يا هم ځانمرګي واسکټ په چاودنه کې وژلې .
د کونړ ولايتي اداره او امنيتي چارواکي په دې اړه لاهم رسنيو ته نه غږيږي او د ولايتي شورا رئيس وايي، چې د دغې برتانوۍ له وژل کېدو يا نه وژل کېدو نه دى خبر.
د افغان او بهرنيو چارواکو له اعلان سره، سره د سلفي طالبانو ډلې رسنيو ته د برتانوۍ لنډا وژل کېدل رد کړي او ويلي يې دي، چې ژر به يې د ژوند په اړه خپله دعوه د هغې د يوې ويډيو په خپراوي سره رېښتيا وښيي.
دا برتانوۍ مېرمن، له جلال اباد نه کونړ ته د تګ پرمهال له څوکۍ ولسوالۍ څخه د درېيو افغان همکارانو سره تښتول شوې وه، خو افغان همکاران يې بيرته خوشې شول. د دغې مېرمنې په خلاصون پسې د سوله ييزو هڅو تر ناکاميدو وړاندې د کونړ د ولايتي شورا رئيس په پوځي عملياتو کې د دې ښځې د وژل کېدو اندېښنه ښودلې وه.
کلید ګروپ په ټویټر او فیسبوک کې وګورئ
