په خوست کې د افغان او بهرنیو ځواکونو پر ګډ کتار ځانمرګی برید شوی، چې د دغه ولايت د ملي اردو يو تن چارواكى اركان حرب جنرال رازمحمد اورياخيل په وينا درې ماشومان او ۴ افغان سرتيري پكې ټپيان دي.
په خوست کې د افغان او بهرنیو ځواکونو پر ګډ کتار ځانمرګی برید شوی، چې د دغه ولايت د ملي اردو يو تن چارواكى اركان حرب جنرال رازمحمد اورياخيل په وينا درې ماشومان او ۴ افغان سرتيري پكې ټپيان دي.
په خوست كې مېشت بهرني سرتيري كه څه په پېښه كې د ۳ ماشومانو د ټپي كېدو پخلى كوي وايي، چې د دوى يوازې موټر ويجاړ شوى او سرتېرو ته يې مرګ ژوبله نه ده اوښتې.
بلخوا د طالبانو وياند ذبيح الله مجاهد كليد ته د ټليفون پر ليكه ادعا كړې، چې په دغه بريد كې ۸ بهرني سرتيري مړه او ۵ ټپيان دي.
د مجاهد په وينا، دغه بريد د دوى يوه ملګري نور اكبر، چې د پكتيا ولايت د ګردې څېړۍ اوسېدونكى دى د يوې ډاټسنې په واسطه، چې له چاودېدونكو توكو ډكه وه تر سره كړى.
کلید ګروپ په ټویټر او فیسبوک کې وګورئ
