د کونړ له څوکۍ او نورګل ولسواليو څخه لسګونه کورنۍ د ايتلافي او افغان ځواکونو د هغو عملياتو له امله کډوالۍ ته اړ شوي، چې د يوې تښتول شوې برتانوۍ ښځې په راخلاصونې پسې روان دي.
د کونړ له څوکۍ او نورګل ولسواليو څخه لسګونه کورنۍ د ايتلافي او افغان ځواکونو د هغو عملياتو له امله کډوالۍ ته اړ شوي، چې د يوې تښتول شوې برتانوۍ ښځې په راخلاصونې پسې روان دي.
کډوال شوي خلک، چې د ايتلافي ځواکونو عملياتو کې د شاوخوا پينځلسو ولسي وګړو د وژل کېدو خبره کوي، وايي د همدې مرګ، ژوبلې له وېرې يې کورونه پرېښي.
د دې کډوالو له ډلې يوازې څلوېښت کورنۍ د نورګل له مزاردرې څخه د ننګرهار ښېوې ولسوالۍ ته کډوالې شوي .
د کونړ ځايي چارواکي او په ختيځ کې د ايتلافي ځواکونو مطبوعاتي اداره د نور و ورځو په شان په دې اړه له خبرو ډډه کوي، خو د کونړ د ولايتي شورا رئيس مياحسن عادل او د شورا يوه غړي سکندرشاه کليد ته له يادو سيمو د ګڼو خلکو د کډوالېدو خبره ومنله.
دوى دغه راز د څوکۍ په دېوه ګل او د نورګل په مزاردره سيمو کې اوس هم د افغان او ايتلافي ځواکونو د عملياتو د دوام خبرورکوي.
د امريکاد ډي،اى،اې موسسې برتانوۍ کارکوونکې، چې له تښتونې يې ترلسو ډېرې ورځې کېږي، د راخلاصونې پوځي هڅې يې له تېرې چارشنبې ورځې راهيسې پيل شوي.
د ولايتي شورا رېس هم پکې د شاوخوا پينځلسو ولسي وګړو د وژل کېدو پخلى کړى.
دا عمليات نن په داسې حال کې روان دي، چې وړمه ورځ د سلفي طالبانو په نامه د دې تښتول شوې برتانوۍ د تښتونکو مشر د عملياتو د پاى ته نه رسېدو په صورت کې د دې ښځې د وژلو ګواښ کړى و.
کلید ګروپ په ټویټر او فیسبوک کې وګورئ
