پر بريتانيې او امريكا سربېره ډېرو نورو حكومتونو هم د خپل هېواد اوسېدونكي په اروپا كې له احتمالي ترهګريزو بريدونو څخه خبر كړل. سويډن او جاپان هم د خپل هېواد اوسېدونكي ته خبر وركړ، چې اروپا كې د سفر پرمهال هوښيار وه اوسي.
پر بريتانيې او امريكا سربېره ډېرو نورو حكومتونو هم د خپل هېواد اوسېدونكي په اروپا كې له احتمالي ترهګريزو بريدونو څخه خبر كړل.
سويډن او جاپان هم د خپل هېواد اوسېدونكي ته خبر وركړ، چې اروپا كې د سفر پرمهال هوښيار وه اوسي.
امنيتي ادارو په تېره اونۍ كې په دغه لويه وچه كې، د هغه ډول بريدونو د خطر خبره وكړه، چې په ۲۰۰۸ ميلادي كال كې د هندوستان په ممبي ښار كې تر سره شوي وو.
امريكايي چارواكو ويلي، وو چې دغه بريدګر ښايي، بريتانيه، جرمني اوفرانسه په نښه كړي.
خو د بريتانيې د بهرنيو چارو وزارت ويلي، چې په جرمني او فرانسه كې د دغه بريدونو د ترسره كېدو خطر زيات دى.
د جرمني د كورنيو جارو وزير ويلي، چې تر اوسه د دغه راز بريدونو په اړه كره شواهد شتون نه لري او چاپيريال كړكېچن كول ښه نه دي.
نوموړي زياته كړې، چې له ۲۰۰۹ ميلادي كال راهيسې د دغه راز بريدونو له خطره خبر دي او امنيتي ځواكونه يې د دغه نامعلوم بريد دفعه كولو ته چمتو دي.
فرانسوي چارواكو ويلي، چې د دوى ځواكونه نيمه تيارسۍ دي، ځكه دا مهال د پوره تيارسۍ اړتيا نشته.
په روانه اونۍ كې د پاريس د ايفل برج او څېرمه سيمه دوه ځلې له خلكو خالي شوې او پوليسو يو كس، چې ګواښونه يې كول نيولى دى.
د ايټاليا د كورنيو چارو وزير هم ويلي، چې د بريدونو امكان ډېر زيات دى او د هېواد حكومتي چارواكي يې دغه حالات په ژوره توګه څاري
کلید ګروپ په ټویټر او فیسبوک کې وګورئ
