د هېواد د بهرنيو چارو وزير زلمي رسول پر بهرنيو ځواكونو غږ وكړ، چې د ترهګرو پروړاندې جګړه د افغانستان له خاروې د باندې وكړي. نوموړي دغه خبرې پرون په امريكا
د هېواد د بهرنيو چارو وزير زلمي رسول پر بهرنيو ځواكونو غږ وكړ، چې د ترهګرو پروړاندې جګړه د افغانستان له خاروې د باندې وكړي.
نوموړي دغه خبرې پرون په امريكا كې كړي او له امريكا او متحدينو يې غوښتي، چې که غواړي د ترهګرۍ پر وړاندې جګړه وګټي، نو بايد د افغانستان له پولو د باندې ترهګرې ډلې او مركزونه يې له منځه يوسي.
افغان حکومت پخوا هم پر دې ټينګار كاوه، چې د ترهګرو پروړاندې جګړه بايد د افغانستان له خاورې دباندې وشي.
دوى په دې اند دى، چې ترڅو د طالبانو او نورو ترهګرو د روزلو مركزونه او امکانات يې له منځه نه لاړ نشي، په افغانستان كې روانه جګړه نه ختمېږي.
کلید ګروپ په ټویټر او فیسبوک کې وګورئ
