.jpg)
د ننګرهار په کوټ ولسوالۍ کې تېر ماښام ناوخته د ملي امنيت د يوه ځايي چارواکي پر موټر چاودنه شوې، چې پکې د اوښتو تلفاتو په اړه بېلا،بېلې دعوې روانې دي.
د ننګرهار په کوټ ولسوالۍ کې تېر ماښام ناوخته د ملي امنيت د يوه ځايي چارواکي پر موټر چاودنه شوې، چې پکې د اوښتو تلفاتو په اړه بېلا،بېلې دعوې روانې دي.
د ننګرهار د امنيې قومندانۍ وياند سمونوال عبدالغفور وايي چاودنه د کوټ ولسوالۍ د ملي امنيت د مدير پر شخصي کرولا موټر شوې، چې پکې هغه وژل شوى او يو ساتونکى يې ټپي شوى.
د وسله والو طالبانو وياند ذبيح الله مجاهد، چې کليد ته يې په ټليفوني اړيكه كې د پېښې مسوليت پر غاړه واخېست، بيا پېښه کې د کوټ ولسوالۍ د ملي امنيت پر مدير سربېره د هغه د مرستيال او څلورو ساتونکو د وژلو دعوه کوي.
د کوټ ولسوالۍ ځايي چارواکو په دې اړه له خبرو ډډه وکړه، خو بايد وويل شي، چې دا له څو ورځو راهيسې په ننګرهار کې د ملي امنيت پرکارکوونکو دويمه چاودنه ده.
څو شپې وړاندې د ننګرهار مرکز جلال اباد کې تريوې عادي چاودنې وروسته د پېښې ځاى ته د ملي امنيت او نورو امنيتي ځواکونو په رسېدو بله چاودنه شوې وه، چې د يوې پوځي سرچينې په خبره د دې ادارې شپږ ساتونکي پکې سخت ټپيان شول.
کلید ګروپ په ټویټر او فیسبوک کې وګورئ
