نړيوالې ټولنې د افغانانو زړورتيا وستايله، چې د وسله والو مخالفينو له حملو سره سره د راى ورکولو مزکرونو ته لاړل او رايه يې ور کړه .
نړيوالې ټولنې د افغانانو زړورتيا وستايله، چې د وسله والو مخالفينو له حملو سره سره د راى ورکولو مزکرونو ته لاړل او رايه يې ور کړه .
نړيوالې ټولنې په عين حال کې د افغان دولت وسله وال مخالفان غندلي، چې پر راى ورکوونکو يې حملې کړي دي.
ملګرو ملتونو، ناټو، امريکا، کاناډا او جرمني په انتخاباتو کې د افغانانو ګډون ستايلى او د انتخاباتو په ورځ يې تاوتريخوالى غندلى دى.
د ملګروملتو سرمنشي بانکي مون د ولسي جرګې پرونۍ ټاكنې ستايلي او د رايو ورکوونکو اراده او جرات يې د قدر وړ بللي دي.
بانکي مون په يوه اعلاميه کې ويلي، چې دا انتخابات له ګڼو امنيتي ستونزو سره ترسره شول.
ده په دې اعلاميه کې د انتخاباتو په ورځ تاوتريخوالى او پر رايې و ورکوونکو حملې غندلې دي.
د ملګروملتو سرمنشي له ټولو خواوو غوښتي، چې د خپلو شکايتونو د ثبتولو لپاره له قانوني لارو کار واخلي.
د ناټو عمومي منشي اندرس فوګ راسموسن په يوه اعلاميه کې له امنيتي خطرونو سره سره په انتخاباتو کې د افغان رايې ورکوونکو ګډون د ستاينې وړ وباله.
په کابل کې د امريکا سفارت هم په يوه اعلاميه کې افغانانو ته په اوسنيو سختو شرايطوکې په انتخاباتو کې د ګډون مبارکي ويلې ده.
د کاناډا د بهرنيو چارو وزير د ولسي جرګې د انتخاباتو په ورځ تاوتريخوالى او پر کانديدانو حملې ناځوانمردانه بللي.
د جرمني د بهرنيو چارو وزير ګيودو ويستر وېلا د افغانستان د ولسي جرګې انتخابات تر توقع ښه وبلل.
کلید ګروپ په ټویټر او فیسبوک کې وګورئ
