د ولسي جرګې انتخابات نن سهار په اووبجو پيل شول.
دغه انتخابات په داسې حال کې ترسره کيږي، چې د امنيت او د انتخاباتو د شفافيت په اړه ډيرې انديښنې راپورته شوې دي.
د ولسي جرګې انتخابات نن سهار په اووبجو پيل شول.
دغه انتخابات په داسې حال کې ترسره کيږي، چې د امنيت او د انتخاباتو د شفافيت په اړه ډيرې انديښنې راپورته شوې دي.
جمهور رئيس کرزي پرون د هېواد پرټولو خلکو غږ وکړ، چې په انتخاباتو کې دې ګډون وکړي او له دې لارې دې په هېواد کې د سولې او ثبات له ټينګېدو سره مرسته وکړي.
کرزي د ولسي جرګې انتخابات د هېواد او خلکو لپاره يو ستر ارزښت وباله او له وسله والو طالبانو يې هم وغوښتل، چې له جنګه دې لاس واخلي او په دې پروسه کې دې، چې د سولې، ثبات او ترقۍ ضامنه ده، برخه واخلي.
دا په داسې حال کې ده، چې د دولت وسله والو مخالفينو د دغو انتخاباتو د ګډوډولو ګواښ کړى او له خلکو يي غوښتي، چې په انتخاباتو کې ګډون ونه کړي.
خو افغان امنيتي چارواکي ډاډ ورکوي، چې د انتخاباتو لپاره يي کلک امنيتي تدابير نيولي او خلک کولاي شي، چې له ډار پرته د رايي ورکولو مرکزونو ته لاړ شي او خپله رايه وکاروي.
کلید ګروپ په ټویټر او فیسبوک کې وګورئ
