د لغمان د مرکز په درېيو ناامنو سيمو کې د وسله والو طالبانو پرضد د افغان او بهرنيو ځواکونو تر درنو عملياتو وروسته هم دې سيمو کې د لا نورو ناامنيو له امله د ولسي جرګې ټاکنې نه ترسره کېږي.
د لغمان د مرکز په درېيو ناامنو سيمو کې د وسله والو طالبانو پرضد د افغان او بهرنيو ځواکونو تر درنو عملياتو وروسته هم دې سيمو کې د لا نورو ناامنيو له امله د ولسي جرګې ټاکنې نه ترسره کېږي.د بادپښ،ګړوچ او شاګليانو په نامه دا سيمې، چې افغان او بهرنيو ځواکونو د شاوخوا يو مياشتينيو عملياتو په ترڅ کې د لسګونه وسله والو طالبانو د وژنې دعوه پکې کوله،د چارواکو په خبره اوس پکې د ولسي جرګې د ټاکنو لپاره د رايه اچونې کوم مرکز نه دى پرانېستل شوى.
د لغمان امنيې قومندان جنرال عزيز غرني په يوه ځانګړې مرکه کې کليد ته وويل، چې دا سيمې د ښه امنيت لرونکي دي، خو له دې امله، چې وروستيو عملياتو يې يو شمېر خلک کډوال کړي، پکې د ولسي جرګې ټاکنې نه ترسره کېږي.
امنيې قومندان دا هم وايي، چې د ټاکنو مرکزي کمېسيون په ټول لغمان کې د رايه اچونې شپږوېشت مرکزونه تړلي، خو لامل يې نه په ګوته کوي.
د ټاکنو کمېسيون بيا ناامني يوازينى هغه لامل ګڼي، چې دوى د ټاکنيزو مرکزونو د تړلو پريکړه يې پربنسټ کوي.
لغمان، چې تر ننګرهاره وروسته په ختيځ کې دويم ډېرامنيت لرونکى ولايت و،د همدې ننګرهار په څېر له څو مياشتو راهيسې د ناامنۍ پېښې زياتې شوي او د ځينو په اند چارواکي يې په مخنيوي کې پاتې راغلي.
کلید ګروپ په ټویټر او فیسبوک کې وګورئ
