نړيوال سوله ساتى ځواک (ايساف) وايي، چې د هېواد په څو بېلا بېلو پېښو كې يې ۲۶ وسلوال طالبان وژلي دي. په کابل کې د ايساف ځواکونو د مطبوعاتي دفتر له خوا د وږي په ۲۳مه،
نړيوال سوله ساتى ځواک (ايساف) وايي، چې د هېواد په څو بېلا بېلو پېښو كې يې ۲۶ وسلوال طالبان وژلي دي.
په کابل کې د ايساف ځواکونو د مطبوعاتي دفتر له خوا د وږي په ۲۳مه، خپره شوې خبرپاڼه کې ويل شوي، چې تېره ورځ ايساف او افغان ځواكونو د هلمند په سنګين ولسوالۍ كې له وسله والو طالبانو سره درې نښتې كړې دي.
خبرپاڼه ليكي، وسله والو طالبانو د سپكو او درندو وسلو ډزې وكړې، چې د ګډو ځواكونو په ځوابي بريد كې يې ۲۳ تنه ووژل شول.
د يادو ځواكونو په وينا، په دې نښتو كې ګډو ځواكونو او ملكي كسانو ته زيان نه دى اوښتى.
د هلمند امنيتي مسوولينو او ولايتي ادارې د دې پېښو په اړه بې خبرې وښوده.
دغه راز په خبرپاڼه کې راغلي، چې د ميدان وردګو ولايت په اړونده سيمه كې يې هم درې مشهور وسله وال طالبان وژلي دي.
وسله والو طالبانو تر اوسه د دواړو پېښو په اړه څه نه دي ويلي.
کلید ګروپ په ټویټر او فیسبوک کې وګورئ
