په هېواد کې د ډاډمن امنيت د ټينګښت په هدف د کورنيو چارو په وزارت کې تر پراخو تغييراتو وروسته په دفاع وزارت کې هم څه باندې شل تنه لوړ رتبه چارواکي تبديل شوي دي.
په هېواد کې د ډاډمن امنيت د ټينګښت په هدف د کورنيو چارو په وزارت کې تر پراخو تغييراتو وروسته په دفاع وزارت کې هم څه باندې شل تنه لوړ رتبه چارواکي تبديل شوي دي.
د دفاع وزارت وايي، چې دا بدلونونه د دې وزارت په چوکاټ کې د اصلاحاتو او د کارونو د ښه او منظم پرمخ وړلو په هدف د جمهور رئيس کرزي په منظورۍ راغلي دي.
د دې وزارت وياند جنرال ظاهرعظيمي وايي، چې د دفاع وزارت په چوکاټ کې دوه ويشت تنه لوړ رتبه چارواکي تبديل شوي، چې د سېلاب، اتل او ظفر قول اردوګانو قومندانان هم په کې شامل دي.
دا په داسې حال کې ده، چې تېره اوونۍ په کورنيو چارو وزارت کې هم د نشه يي توكو پر وړاندې د مبارزې د مرستيال په ګډون نږدې شل تنه لوړ رتبه چارواکي تبديله شول.
افغان حکومت وايي، چې دا بدلونونه د امنيتي چارو د ښه سمون او پرمخ بېولو په هدف راغلي دي.
کلید ګروپ په ټویټر او فیسبوک کې وګورئ
