ناټو وايي په تېرو دوو ورځو کې يې د افغانستان په جنوب کې درې سرتېري وژل شوي دي. د ناټو ترمشرۍ لاندې ايساف ځواکونو په يوه اعلاميه کې ويلي، چې دوه عسکر يې پرون د طالبانو په مخامخ بريد کې وژل شوي او درېم هغه يې د شنبې
ناټو وايي په تېرو دوو ورځو کې يې د افغانستان په جنوب کې درې سرتېري وژل شوي دي.
د ناټو ترمشرۍ لاندې ايساف ځواکونو په يوه اعلاميه کې ويلي، چې دوه عسکر يې پرون د طالبانو په مخامخ بريد کې وژل شوي او درېم هغه يې د شنبې په ورځ د سړک د غاړې په بمي چاودنه کې وژل شوى.
يادو ځواكونو د پېښو كره ځاى نه دى په ډاګه كړى او نه يې هم د وژل شويو سرتېرو په اړه نور جزيات وركړي.
له بلې خوا د کندهار ولايت د مطبوعاتي دفتر له يوې خبرپاڼې سره سم د افغان او ناټو ځواکونو په ګډو عملياتو کې ديارلس وسله وال طالبان په ژېړۍ ولسوالۍ کې وژل شوي دي.
کلید ګروپ په ټویټر او فیسبوک کې وګورئ
