ملي امنيت ادارې له فساد سره د مبارزې په لړکې پر ولسي خلکو د مرستې غږ کړى دى. يادې ادارې د يوې اعلاميې له لارې له خلكو وغوښتل، چې د ځوروونکو په پېژندلو او نيولو کې ورسره مرسته وکړي.
ملي امنيت ادارې له فساد سره د مبارزې په لړکې پر ولسي خلکو د مرستې غږ کړى دى.
يادې ادارې د يوې اعلاميې له لارې له خلكو وغوښتل، چې د ځوروونکو په پېژندلو او نيولو کې ورسره مرسته وکړي.
ملي امنيت په حکومتي ادارو کې په فساد دککړو او له قانون نه د سرغړونکو کسانو د په نښه کولو لپاره د ملي امنيت په چوكاټ کې يوه ځانګړې څانګه پرانستې ده.
ملي امنيت د دغه کار موخه له فساد سره د حکومت رېښتونې، ګړندۍ او کلکه مبارزه بولي.
دغې ادارې پرته له دې له قانون نه د سرغړوونکو د په نښه کولو په موخه خلکو ته د تيلې فون شمېرې او برېښناليکونه هم ورکړي دي.
وړاندې تردې د افغانستان لويې څارنوالۍ او د فساد پرضد د څارنې عالي کمېسيون هم ورته شمېرې خلکو ته ورکړې وې.
ملي امنيت يو له هغو ادارو يادېږي، چې تر ډېره د خلکو سترګه ترې سوځي او ښايي حکومت هم د همدې لپاره غوره کړې وي.
کلید ګروپ په ټویټر او فیسبوک کې وګورئ
