پر پښتنو او بلوڅانو جګړه تپل شوې ده او دغو دوو قومونو تر ټولو زيات په جګړه کې زيانونه ګالي .
پر پښتنو او بلوڅانو جګړه تپل شوې ده او دغو دوو قومونو تر ټولو زيات په جګړه کې زيانونه ګالي .
دغه څرګندونې د پښتنو او بلوڅو د ملي يووالي په ورځ پرون په هغو غونډوکې وشوې ،چې د همدې ورځې د نمانځنې په هدف په کابل او جلال آباد ښار کې جوړې شوې وې.
دغه ورځ ، چې له ١٣٢٨ لمريز کال راهيسې هرکال د وږي په ٩مه، نمانځل کېږي ، پرون هم دکابل ښار په خوشحال خان لېسه او د جلال آباد ښار په شيشم باغ کې ونمانځل شوه .
دآزادوقبايلو دسراتاسري شورا رئيس زرجان ، خوشحال لېسه کې جوړې شوې غونډې ته وويل، چې له تېرو څو کلونو راهيسې پښتانه او بلوڅان له ډېرو ستونزو سره مخ دي .
زرجان وايي،چې د دې ورځې دنمانځلو هدف دادى،چې ددغو دوو قومونو په منځ کې همغږي رامنځته شي.
ياده ورځ ، د جلال اباد په شيشم باغ کې دخدايي خدمتګار انو د مشر خان عبدالغفار خان مقبرې ترڅنګ هم ونمانځل شوه .
کلید ګروپ په ټویټر او فیسبوک کې وګورئ
