د کابل – جلال اباد پر لويه لاره د استحکام پله ته څېرمه نن سهار وخته وسلوالو مخالفينو دوه اکمالاتي موټر وسوځول.
د کابل – جلال اباد پر لويه لاره د استحکام پله ته څېرمه نن سهار وخته وسلوالو مخالفينو دوه اکمالاتي موټر وسوځول.
د لغمان د قرغيو ولسوالۍ ولسوال حاجي صالح محمد نيازي رسنيو ته وويل چې پېښه نن سهار په ٤ بجو رامنځته شوه.
هغه زياته کړه چې له کابل څخه جلال اباد ته روان دوه کانټينر لرونکي موټر داستحکام پله اوکليمې پوستې ترمنځ د وسلوالو مخالفينو لخوا ووېشتل شول .
ولسوال وويل چې سېمې ته په وخت د لويې لارې پوليس ورسېدل ، خو له دې مخکې مخالفين په تېښته بريالي شوي و.
دى وايي چې کانټينرونه خالي و او په دې پېښه کې چاته هېڅ ځاني زيان نه دى اوښتى.
ياد بريد په داسې حال کې شوى، چې څو ورځې مخکې افغان او نړيوالو ځواکونو د يادې شوې لويې لارې په اوږدو کې په غرنيو سيمو بادپښ او ګړوچ کې چاڼيز عمليات ترسره کړي و، ترڅو د داډول بريدونو مخه ونيول شي.
کلید ګروپ په ټویټر او فیسبوک کې وګورئ
