جمهور رئيس حامد كرزي د شنبې په ورځ د اسلامي كنفرانس لپاره د امريكا د جمهور رئيس له سلاكار راشد حسين سره په ليدنه كې ټينګار وكړ، چې ترهګري بايد له اسلام سره ونه تړل شي.
جمهور رئيس حامد كرزي د شنبې په ورځ د اسلامي كنفرانس لپاره د امريكا د جمهور رئيس له سلاكار راشد حسين سره په ليدنه كې ټينګار وكړ، چې ترهګري بايد له اسلام سره ونه تړل شي.د جمهوري رياست له مطبوعاتي دفتر څخه كليد ته په رالېږل شوې خبرپاڼه كې راغلي دي، چې حامد كرزي ويلي، ترهګرو مخكې له دې، چې پر امريكا بريد وكړي، د اسلام پر ضد يې فعاليتونه كول، چې افغانستان يې يوه ښه بېلګه ده.
خبرپاڼې د راشد حسين له خولې ليكلي، چې د امريكا حكومت هڅه كوي، ترڅو د هغو اشتباهاتو په اړه، چې د اسلامي نړۍ او د امريكا د خلكو ترمنځ پيدا شوي، د اړيكو د بيا غښتلتيا لپاره كار وكړي.
جمهو رئيس حامد كرزي ويلي، افغانانو مخكې له دې، چې د سپټمبر د يوولسمې پېښه رامنځته شي، له القاعدې سره مبارزه پيل كړې وه او تردې دمه روانه ده.
د خبرپاڼې د معلوماتو له مخې، جمهور رئيس كرزي ټينګار کړى دى، چې ترهګري بايد له اسلام سره ونه تړل شي.
کلید ګروپ په ټویټر او فیسبوک کې وګورئ
