په خوست ولايت كې د ناټو ځواكونو پر دوو اډو د ځانمرګو بريد كوونكو لخوا ډله يز بريدونه شوي، چې دواړه خواوې يو بل ته پكې د مرګ ژوبلې ادعا كوي.
په خوست ولايت كې د ناټو ځواكونو پر دوو اډو د ځانمرګو بريد كوونكو لخوا ډله يز بريدونه شوي، چې دواړه خواوې يو بل ته پكې د مرګ ژوبلې ادعا كوي.
دا بريدونه نن سهار وختي څلور بجې پيل شوي وو او تر اتوبجو يې دوام درلود.
په خوست كې د ناټوځواكونو مطبوعاتي دفتر هم د پېښې پخلى كړى او ويلي يې دي، چې لومړى د دوى پر يوې اډې توغنديز بريد وشو او ورپسې په دواړو هوايي اډو د درنو او سپكو وسلو ډزې پيل شوې.
ناټو زياتوي، چې په متقابلو هوايي او ځكمنيو بريدونو كې يې د زوړ هوايي ډګر (چپ مېن )او له صحرا باغ اډې سره يې ۱۱ بريدكوونكي وژلي او پنځه نور يې ژوندي نيولي.
خوا وسله وال طالبان وايي چې د دوى اته ويشتو بريدكوونكو په خوست كې د ناټو پر دوو هوايي اډو بريدونه كړي او ناټوځواكونو ته د ګڼې مرګ ژوبلې اړولو ادعا كړي ده.
طالب وياند ذبیح الله مجاهد بيا ادعا کوي، چې د ناټو يوه چورلکه يې هم ویشتي ده.
ناټو ځواكو د خپلې چورلكې ويشتل مني او وايي، چې کیناستو پر مهال ويشتل شوې، چې دوه سرتيري يې پكې ټپي شوي دي.
بلخوا مجاهد د دې ترڅنګ په دریو سرحدي پوستو (نریزي، ترخوبي او مغلګي ) هم د برید او د ګڼ شمېر مرګ ژوبلې اړولو دعوه کوي.
خو د دې پېښو په اړه لا تراوسه دولتي چارواکو څه نه دي ویلي .
کلید ګروپ په ټویټر او فیسبوک کې وګورئ
